ਨਸ਼ਾ ਫੇਸਬੁੱਕ ਦਾ

ਉੱਠਦੇ ਹੀ ਸਾਰ ਭੈੜੀ ਲੱਗ ਜਾਂਦੀ ਤੋੜ
ਲੈਪ ਟੌਪ ਚੱਕ ਨੈੱਟ ਲਈਦਾ ਏ ਜੋੜ
ਮੂੰਹ ਹੱਥ ਧੋ ਕੇ ਚਾਹ ਪੀਣ ਤੋਂ ਪਹਿਲਾਂ
ਚੈੱਕ ਕਰੀਦਾ ਅਕਾਊਂਟ ਜਿਹੜਾ ਫੇਸਬੁੱਕ ਦਾ।
ਬਾਕੀ ਸਭ ਨਸ਼ਿਆਂ ਤੋਂ ਬਚੇ ਰਹੇ ਦੋਸਤੋ
ਆਹ ਲੱਗ ਗਿਆ ਨਸ਼ਾ ਭੈੜਾ ਫੇਸਬੁੱਕ ਦਾ।

ਮਾਰ-ਮਾਰ ਕੇ ਆਵਾਜ਼ਾਂ ਨਿੱਤ ਥੱਕ ਜਾਵੇ ਮਾਂ
ਪੁੱਛੇ ਲੱਭਦਾਂ ਏ ਕੀ? ਮੈਨੂੰ ਵੀ ਤਾਂ ਸਮਝਾਅ
ਜਿੱਦਣ ਦਾ ਡੱਬਾ ਜਿਹਾ ਲਿਆਂਦਾ ਘਰ ਵਿੱਚ
ਰਿਹਾ ਫ਼ਿਕਰ ਨਾ ਕੋਈ ਤੈਨੂੰ ਰੋਟੀ ਟੁੱਕ ਦਾ।

ਨਕਾਬ

ਅੰਦਾਜਾ ਸੀਰਤ ਦਾ ਸੂਰਤ ਤੋਂ ਲਾ ਲੈਨਾ ਏਂ,

ਤਾਹੀਓਂ ਹਰ ਬਾਰ ਧੋਖਾ ਤੂੰ ਖਾਹ ਲੈਨਾ ਏਂ,
ਭੁੱਲ ਜਾਨਾ ਕੰਡਿਆਂ ਨੂੰ ਜਦੋਂ ਛੂੰਹਦਾ ਗੁਲਾਬ ਏਂ।
ਸੋਚ ਸਮਝ ਕੇ ਚੱਲ ਸੱਜਣਾ, ਹਰ ਚਿਹਰੇ 'ਤੇ ਨਕਾਬ ਏ।